في أول تعليق له على التشكيلة الحكومية الجديدة، قال إلياس العماري، الأمين العام لحزب ” الأصالة والمعاصرة”، إن حكومة العثماني تذكره بحكومة محمد الكريم العمراني سنة 1992 والتي قرأت المعارضة الفاتحة عليها حين تنصيبها.
وأوضح العماري في تدوينة على حسابه الشخصي على الفايسبوك، و”أنا كنرجع للتواصل مع الأصدقاء والمتتبعين للصفحة ديالي، لقيت كولشي كيهدر على التشكيلة الحكومية الجديدة. وتفكرت حكومة 1992، وجات لي فلبال الصورة ديال المعارضة فديك الوقت وهي كتقرا الفاتحة على الحكومة ديال السي محمد كريم العمراني”.
وذاد قائلا: “وأنا حاير اليوم، واش نقراو على حكومة السيد رئيس الحكومة الجديد سورة الفاتحة أو شي آية أخرى. و بانلي ماغنلقاوش أحسن من آية الكرسي لعل وعسى تقضى حوائج بلادنا على يد هاذ الحكومة. ولكن واش غتنفع هاذ القراءة مع حكومة كيبانو فيها تقريبا نفس الوجوه اللي الشعب المغربي مولف كايشوفها في الحكومات السابقة. الغريب في الأمر هو أن كثار من 6 شهور، بل من نهار فاش تشكلات الحكومة الأولى ديال سي عبد الاله بنكيران، ما بقينا كنسمعو الهدرة إلا على شكون الأحزاب اللي غاتاخذ الحقائب الوزارية، وشكون السميات اللي غايكون عندها الزهار باش يولي موالينها وزراء”.
” كنسمعو هادشي، والشعب المغربي، ومعاه المراقبين كيقلبوا على شي حاجة سميتها مشروع حكومي وبرنامج يعبر عن تطلعات المواطنات والمواطني”، يضيف العماري.
